بِسْمِ اللهِ الرَّحْمٰنِ الرَّحِيمِ‎

87-سۈرە ئەئلا مەككەدە نازىل بولغان، 19 ئايەت

ئەڭ ئۈستۈن رەببىڭنىڭ ئىسمىنى ئۇلۇغلىغىن.
1




ئۇ شۇنداق زاتكى، ياراتتى ئاندىن بېجىرىم قىلدى.
2




ئۇ شۇنداق زاتكى، تەقدىر قىلدى ئاندىن توغرا يولنى كۆرسەتتى.
3




ئۇ شۇنداق زاتكى، ئوتلاقنى چىقاردى،
4




ئاندىن ئۇنى قارامتۇل لۆجىگە ئايلاندۇردى.
5




ئى مۇھەممەد! بىز ساڭا قۇرئاننى ئوقۇتىمىز. سەن ئۇنتۇمايسەن.
6




ئاللاھ خالىغان نەرسە مۇستەسنا. ئاللاھ ئاشكارا ۋە يوشۇرۇننى بىلىپ تۇرىدۇ.
7




بىز ساڭا ئەڭ ئاسان نەرسىنى مۇيەسسەر قىلىمىز.
8




ئۇ ھالدا ئەگەر نەسىھەت پايدىلىق بولسا نەسىھەت قىلغىن.
9




ئۆزىنى تۈزىتىدىغان كىشى ئەلۋەتتە نەسىھەتنى قوبۇل قىلىدۇ.
10




بەتبەخت كىشى نەسىھەتتىن قاچىدۇ.
11




ئۇ شۇنداق كىشىكى، ئەڭ شىددەتلىك ئوتقا كىرىپ كۆيىدۇ،
12




ئاندىن ئۇ يەردە ئۆلمەيدۇ ۋە ياشىمايدۇ.
13




مۇنداق كىشى چوقۇم مۇرادىغا يېتىدۇ: پاكلانغان
14




ۋە رەببىنىڭ ئىسمىنى زىكىر قىلىپ ناماز ئۆتىگەن كىشى.
15




بەلكى سىلەر دۇنيا ھاياتىنى ئارتۇق كۆرىسىلەر.
16




ھالبۇكى، ئاخىرەت ھاياتى ياخشىدۇر ۋە باقىيدۇر.
17




شۈبھىسىزكى، بۇ ئاۋۋالقى سەھىپىلەردىدۇر:
18




ئىبراھىمنىڭ ۋە مۇسانىڭ سەھىپىلىرىدە.
19