وَإِذَا مَا أُنْزِلَتْ سُورَةٌ فَمِنْهُمْ مَنْ يَقُولُ أَيُّكُمْ زَادَتْهُ هَٰذِهِ إِيمَانًا ۚ فَأَمَّا الَّذِينَ آمَنُوا فَزَادَتْهُمْ إِيمَانًا وَهُمْ يَسْتَبْشِرُونَ
مۇھەممەد سالىھ: (قۇرئاندىن) بىرەر سۈرە نازىل قىلىنسا، ئۇلار (يەنى مۇناپىقلار) نىڭ ئارىسىدا (مەسخىرە قىلىش يۈزىسىدىن): «بۇ (يەنى سۈرە) قايسىڭلارنىڭ ئىمانىنى كۈچەيتتى» دەيدىغانلار بار، مۆمىنلەرگە كېلىدىغان بولساق، (ھەر سۈرىدە يېڭى دەلىل ـ ئىسپاتلار بولغانلىقى ئۈچۈن) بۇ (يەنى سۈرە) ئۇلارنىڭ ئىمانىنى كۈچەيتتى، ئۇلار (سۈرىنىڭ نازىل بولۇشىدىن) خۇشال بولىدۇ[124].
تەرجىمە ھەيئىتى: قۇرئاندىن بىرەر سۈرە نازىل قىلىنسا، ئۇلار- يەنى مۇناپىقلار-دىن : «بۇ قايسىڭلارنىڭ ئىمانىنى كۈچەيتتى» دەيدىغانلار بار. مۇئمىنلارغا كېلىدىغان بولساق، بۇ سۈرە، ئۇلارنىڭ ئىمانىنى كۈچەيتتى، ئۇلار خۇشال بولىدۇ
ئەنەس ئالىم: قاچانىكى بىرەر سۈرە نازىل قىلىنسا، مۇنافىقلارنىڭ بەزىسى: «بۇ سۈرە قايسىڭلارنىڭ ئىمانىنى زىيادە قىلدى؟» دەپ سورايدۇ. مۇئمىنلارغا كەلسەك، ئۇ سۈرە ئۇلارنىڭ ئىمانىنى زىيادە قىلدى. ئۇلار بىر - بىرىگە خۇش خەۋەر بېرىشىدۇ.